今晚西甲独脚戏，4哥西维尔主场硬撼毕尔包。西维尔仍有机会争标，战意远胜已经散晒嘅「巴斯克雄狮」，挟近8场联赛7胜之气势，有力再下一城，主胜有计。
季尾波战意行先，势估唔到今季西甲争冠形势咁紧凑，随住马德里体育会、皇家马德里、巴塞隆拿轮流失分，令原本冇乜机会嘅西维尔，重燃希望，佢哋自从欧联出局后专心打联赛，打出一段8仗7胜1和嘅强劲势头，狂抢22分，依家落后榜首马体会6分，但打少1场，不容忽视。
唔单只中场奥甘波斯伤愈复出后极速上力，前锋安尼斯利呢8仗入咗4粒，重拾射门鞋。此外，西维尔不嬲靠主场搵食，单计联赛，近10仗主场豪取9胜1负，喺自己地头出击零舍醒神。
相反，毕尔包上月连番受打击，继今年打番上届西盃决赛输畀死敌皇苏后，今届西盃决赛又惨吞巴塞4蛋，连输两场王者之战，又冇降班危机，争下届欧洲赛资格机会一般，冇乜战意之下，班波已经散散哋。「巴斯克雄狮」近8仗联赛只得1胜6和1负，加上进攻核心蒙尼恩受伤，实难与气势如虹嘅西维尔相提并论，宁买当头起，主胜捧得过。
标签： 西甲 西维尔 毕尔包 争冠 主场 战意